Those, Who Tried to Escape When Needed

Translation by   

Fathe Muhammad Jalandari (Urdu) Muhammad Assad (English) Yousaf Ali (English) Ahmed Ali (Urdu) M.M.Pickthall (English) M.Habib Shakir (English) Dr. Mohsin Khan (English)

(بھلا يہ) کيا (بات ہے کہ) جب (اُحد کے دن کافر کے ہاتھ سے) تم پر مصيبت واقع ہوئي حالانکہ (جنگ بدر ميں) اس سے دوچند مصيبت تمہارے ہاتھ سے ان پر پڑچکي ہے توتم چلا اٹھے کہ (ہائے) آفت (ہم پر) کہاں سے آپڑي کہہ دو کہ يہ تمہاري ہي شامت اعمال ہے (کہ تم نے پيغمبر کے حکم کے خلاف کيا) بےشک خدا ہر چيز پر قادر ہے3:165

اور جو مصيبت تم پر دونوں جماعتوں کے مقابلے کے دن واقع ہوئي سو خدا کے حکم سے (واقع ہوئي) اور (اس سے) يہ مقصود تھا کہ خدا مومنوں کو اچھي طرح معلوم3:166

اور منافقوں کو بھي معلوم کرلے اور (جب) ان سے کہا گيا کہ آؤ خدا کے رستے ميں جنگ کرو يا (کافروں کے) حملوں کو روکو. تو کہنے لگے کہ اگر ہم کو لڑائي کي خبر ہوتي تو ہم ضرور تمہارے ساتھ رہتے يہ اس دن ايمان کي نسبت کفر سے زيادہ قريب تھے منہ سے وہ باتيں کہتے ہيں جو ان کے دل ميں نہيں ہيں. اور جو کچھ يہ چھپاتے ہيں خدا ان سے خوب واقف ہے3:167

يہ خود تو (جنگ سے بچ کر) بيٹھ ہي رہے تھے مگر (جنہوں نے راہ خدا ميں جانيں قربان کرديں) اپنے (ان) بھائيوں کے بارے ميں بھي کہتے ہيں کہ اگر ہمارا کہا مانتے تو قتل نہ ہوتے. کہہ دو کہ اگر سچے ہو تو اپنے اوپر سے موت کو ٹال دينا3:168

جو مسلمان (گھروں ميں) بيٹھ رہتے (اور لڑنے سے جي چراتے) ہيں اور کوئي عذر نہيں رکھتے وہ اور جو خدا کي راہ ميں اپنے مال اور جان سے لڑتے ہيں وہ دونوں برابر نہيں ہو سکتے خدا نے مال اور جان سے جہاد کرنے والوں کو بيٹھ رہنے والوں پر درجے ميں فضيلت بخشي ہے اور (گو) نيک وعدہ سب سے ہے ليکن اجر عظيم کے لحاظ سے خدا نے جہاد کرنے والوں کو بيٹھ رہنے والوں پر کہيں فضيلت بخشي ہے 4:95

اور جو شخص جنگ کے روز اس صورت کے سوا کہ لڑائي کے ليے کنارے کنارے چلے (يعني حکمت عملي سے دشمن کو مارے) يا اپني فوج ميں جا ملنا چاہے. ان سے پيٹھ پھيرے گا تو (سمجھو کہ) وہ خدا کے غضب ميں گرفتار ہوگيا اور اس کا ٹھکانا دوزخ ہے. اور وہ بہت ہي بري جگہ ہے8:16

اور جب کوئي سورت نازل ہوتي ہے کہ خدا پر ايمان لاؤ اور اس کے رسول کے ساتھ ہو کر لڑائي کرو تو جو ان ميں دولت مند ہيں وہ تم سے اجازت طلب کرتے ہيں اور کہتے ہيں کہ ہميں تو رہنے ہي ديجيئے کہ جو لوگ گھروں ميں رہيں گے ہم بھي ان کے ساتھ رہيں 9:86

يہ اس بات سے خوش ہيں کہ عورتوں کے ساتھ جو پيچھے رہ جاتي ہيں. (گھروں ميں بيٹھ) رہيں ان کے دلوں پر مہر لگا دي گئي ہے تو يہ سمجھتے ہي نہيں 9:87

مومنو خدا کي اُس مہرباني کو ياد کرو جو (اُس نے) تم پر (اُس وقت کي) جب فوجيں تم پر (حملہ کرنے کو) آئيں. تو ہم نے اُن پر ہوا بھيجي اور ايسے لشکر (نازل کئے) جن کو تم ديکھ نہيں سکتے تھے. اور جو کام تم کرتے ہو خدا اُن کو ديکھ رہا ہے 33:9

جب وہ تمہارے اُوپر اور نيچے کي طرف سے تم پر چڑھ آئے اور جب آنکھيں پھر گئيں اور دل (مارے دہشت کے) گلوں تک پہنچ گئے اور تم خدا کي نسبت طرح طرح کے گمان کرنے لگے 33:10

وہاں مومن آزمائے گئے اور سخت طور پر ہلائے گئے 33:11

اور جب منافق اور وہ لوگ جن کے دلوں ميں بيماري ہے کہنے لگے کہ خدا اور اس کے رسول نے ہم سے محض دھوکے کا وعدہ کيا تھا 33:12

اور جب اُن ميں سے ايک جماعت کہتي تھي کہ اے اہل مدينہ (يہاں) تمہارے ٹھہرنے کا مقام نہيں تو لوٹ چلو. اور ايک گروہ ان ميں سے پيغمبر سے اجازت مانگنے اور کہنے لگا کہ ہمارے گھر کھلے پڑے ہيں حالانکہ وہ کھلے نہيں تھے. وہ تو صرف بھاگنا چاہتے تھے 33:13

اور اگر (فوجيں) اطراف مدينہ سے ان پر آ داخل ہوں پھر اُن سے خانہ جنگي کے لئے کہا جائے تو (فوراً) کرنے لگيں اور اس کے لئے بہت ہي کم توقف کريں 33:14

حالانکہ پہلے خدا سے اقرار کر چکے تھے کہ پيٹھ نہيں پھريں گے. اور خدا سے (جو) اقرار (کيا جاتا ہے اُس کي) ضرور پرسش ہوگي33:15

کہہ دو کہ اگر تم مرنے يا مارے سے بھاگتے ہو تو بھاگنا تم کو فائدہ نہيں دے گا اور اس وقت تم بہت ہي کم فائدہ اٹھاؤ گے33:16

کہہ دو کہ اگر خدا تمہارے ساتھ برائي کا ارادہ کرے تو کون تم کو اس سے بچا سکتا ہے يا اگر تم پر مہرباني کرني چاہے تو (کون اس کو ہٹا سکتا ہے) اور يہ لوگ خدا کے سوا کسي کو نہ اپنا دوست پائيں گے اور نہ مددگار 33:17

خدا تم ميں سے ان لوگوں کو بھي جانتا ہے جو (لوگوں کو) منع کرتے ہيں اور اپنے بھائيوں سے کہتے ہيں کہ ہمارے پاس چلے آؤ. اور لڑائي ميں نہيں آتے مگر کم 33:18

(يہ اس لئے کہ) تمہارے بارے ميں بخل کرتے ہيں. پھر جب ڈر (کا وقت) آئے تو تم ان کو ديکھو کہ تمہاري طرف ديکھ رہے ہيں (اور) اُن کي آنکھيں (اسي طرح) پھر رہي ہيں جيسے کسي کو موت سے غشي آرہي ہو. پھر جب خوف جاتا رہے تو تيز زبانوں کے ساتھ تمہارے بارے ميں زبان درازي کريں اور مال ميں بخل کريں. يہ لوگ (حقيقت ميں) ايمان لائے ہي نہ تھے تو خدا نے ان کے اعمال برباد کر ديئے. اور يہ خدا کو آسان تھا 33:19

(خوف کے سبب) خيال کرتے ہيں کہ فوجيں نہيں گئيں. اور اگر لشکر آجائيں تو تمنا کريں کہ (کاش) گنواروں ميں جا رہيں (اور) تمہاري خبر پوچھا کريں. اور اگر تمہارے درميان ہوں تو لڑائي نہ کريں مگر کم 33:20

جو گنوار پيچھے رہ گئے وہ تم سے کہيں گے کہ ہم کو ہمارے مال اور اہل وعيال نے روک رکھا آپ ہمارے لئے (خدا سے) بخشش مانگيں. يہ لوگ اپني زبان سے وہ بات کہتے ہيں جو ان کے دل ميں نہيں ہے. کہہ دو کہ اگر خدا تم (لوگوں) کو نقصان پہنچانا چاہے يا تمہيں فائدہ پہنچانے کا ارادہ فرمائے تو کون ہے جو اس کے سامنے تمہارے لئے کسي بات کا کچھ اختيار رکھے (کوئي نہيں) بلکہ جو کچھ تم کرتے ہو خدا اس سے واقف ہے 48:11

بات يہ ہے کہ تم لوگ يہ سمجھ بيٹھے تھے کہ پيغمبر اور مومن اپنے اہل وعيال ميں کبھي لوٹ کر آنے ہي کے نہيں. اور يہي بات تمہارے دلوں کو اچھي معلوم ہوئي. اور (اسي وجہ سے) تم نے برے برے خيال کئے اور (آخرکار) تم ہلاکت ميں پڑ گئے 48:12

جب تم لوگ غنيمتيں لينے چلو گے تو جو لوگ پيچھے رہ گئے تھے وہ کہيں گے ہميں بھي اجازت ديجيئے کہ آپ کے ساتھ چليں. يہ چاہتے ہيں کہ خدا کے قول کو بدل ديں. کہہ دو کہ تم ہرگز ہمارے ساتھ نہيں چل سکتے. اسي طرح خدا نے پہلے سے فرما ديا ہے. پھر کہيں گے (نہيں) تم تو ہم سے حسد کرتے ہو. بات يہ ہے کہ يہ لوگ سمجھتے ہي نہيں مگر بہت کم48:15

جو گنوار پيچھے رہ گئے تھے ان سے کہہ دو کہ تم ايک سخت جنگجو قوم کے (ساتھ لڑائي کے) لئے بلائے جاؤ گے ان سے تم (يا تو) جنگ کرتے رہو گے يا وہ اسلام لے آئيں گے. اگر تم حکم مانو گے تو خدا تم کو اچھا بدلہ دے گا. اور اگر منہ پھير لو گے جيسے پہلي دفعہ پھيرا تھا تو وہ تم کو بري تکليف کي سزا دے گا48:16

Back to List View : Arabic Text