Mussa(pbuh), Talut After Mussa

Translation by   

Fathe Muhammad Jalandari (Urdu) Muhammad Assad (English) Yousaf Ali (English) Ahmed Ali (Urdu) M.M.Pickthall (English) M.Habib Shakir (English) Dr. Mohsin Khan (English)

بھلا تم نے بني اسرائيل کي ايک جماعت کو نہيں ديکھا جس نے موسي? کے بعد اپنے پيغمبر سے کہا کہ آپ ہمارے لئے ايک بادشاہ مقرر کرديں تاکہ ہم خدا کي راہ ميں جہاد کريں. پيغمبر نے کہا کہ اگر تم کو جہاد کا حکم ديا جائے تو عجب نہيں کہ لڑنے سے پہلو تہي کرو. وہ کہنے لگے کہ ہم راہ خدا ميں کيوں نہ لڑيں گے جب کہ ہم وطن سے (خارج) اور بال بچوں سے جدا کرديئے گئے. ليکن جب ان کو جہاد کا حکم ديا گيا تو چند اشخاص کے سوا سب پھر گئے. اور خدا ظالموں سے خوب واقف ہے2:246

اور پيغمبر نے ان سے (يہ بھي) کہا کہ خدا نے تم پر طالوت کو بادشاہ مقرر فرمايا ہے. وہ بولے کہ اسے ہم پر بادشاہي کا حق کيونکر ہوسکتا ہےبادشاہي کے مستحق تو ہم ہيں اور اس کے پاس تو بہت سي دولت بھي نہيں. پيغمبر نے کہا کہ خدا نےاس کو تم پر فضيلت دي ہے اور (بادشاہي کے لئے) منتخب فرمايا ہے اس نے اسے علم بھي بہت سا بخشا ہے اور تن و توش بھي (بڑا عطا کيا ہے) اور خدا (کو اختيار ہے) جسے چاہے بادشاہي بخشے. وہ بڑا کشائش والا اور دانا ہے 2:247

اور پيغمبر نے ان سے کہا کہ ان کي بادشاہي کي نشاني يہ ہے کہ تمہارے پاس ايک صندوق آئے گا جس کو فرشتے اٹھائے ہوئے ہوں گے اس ميں تمہارے پروردگار کي طرف سے تسلي (بخشنے والي چيز) ہوگي اور کچھ اور چيزيں بھي ہوں گي جو موسي? اور ہارون چھوڑ گئے تھے. اگر تم ايمان رکھتے ہو تو يہ تمہارے لئے ايک بڑي نشاني ہے 2:248

غرض جب طالوت فوجيں لے کر روانہ ہوا تو اس نے (ان سے) کہا کہ خدا ايک نہر سے تمہاري آزمائش کرنے والا ہے. جو شخص اس ميں سے پاني پي لے گا (اس کي نسبت تصور کيا جائے گا کہ) وہ ميرا نہيں. اور جو نہ پئے گا وہ (سمجھا جائے گا کہ) ميرا ہے. ہاں اگر کوئي ہاتھ سے چلو بھر پاني پي لے (تو خير. جب وہ لوگ نہر پر پہنچے) تو چند شخصوں کے سوا سب نے پاني پي ليا. پھر جب طالوت اور مومن لوگ جو اس کے ساتھ تھے نہر کے پار ہوگئے. تو کہنے لگے کہ آج ہم ميں جالوت اور اس کے لشکر سے مقابلہ کرنے کي طاقت نہيں. جو لوگ يقين رکھتے تھے کہ ان کو خدا کے روبرو حاضر ہونا ہے وہ کہنے لگے کہ بسااوقات تھوڑي سي جماعت نے خدا کے حکم سے بڑي جماعت پر فتح حاصل کي ہے اور خدا استقلال رکھنے والوں کے ساتھ ہے 2:249

اور جب وہ لوگ جالوت اور اس کے لشکر کے مقابل آئے تو (خدا سے) دعا کي کہ اے پروردگار ہم پر صبر کے دہانے کھول دے اور ہميں (لڑائي ميں) ثابت قدم رکھ اور (لشکر) کفار پر فتحياب کر2:250

تو طالوت کي فوج نے خدا کے حکم سے ان کو ہزيمت دي. اور داؤد نے جالوت کو قتل کر ڈالا. اور خدا نے اس کو بادشاہي اور دانائي بخشي اور جو کچھ چاہا سکھايا. اور خدا لوگوں کو ايک دوسرے (پر چڑھائي اور حملہ کرنے) سے ہٹاتا نہ رہتا تو ملک تباہ ہوجاتا ليکن خدا اہل عالم پر بڑا مہربان ہے2:251

Back to List View : Arabic Text